Óskemende urlanǵan kólik apatqa ushyrady
ÓSKEMEN. QazAqparat – Óskemen qalasynda urlanǵan kólik jol apatyna tústi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, qalalyq PB Ertis polıtsııa bólimine 36 jastaǵy turǵyn júgingen. Óz sózinde ol «AUDI» avtokóligin esh ruqsatsyz aıdap ketken tanysynyń jol-kólik oqıǵasyna tap bolǵanyn jetkizdi. Osynyń saldarynan keltirilgen shyǵyn mólsheri 2 mln teńgeni qurap otyr.
«Jedel-izdestirý sharalaryn júrgizgen tártip saqshylary kúdiktini ustady. 41 jastaǵy er adam óz qylmysyn moıyndap otyr», -dedi ShQO PD bastyǵy Saǵat Mádıev.
Atalǵan fakti boıynsha QR Qylmystyq Kodeksiniń 200-baby 1-bóligine sáıkes sotqa deıingi tergeý amaldary júrgizilýde.
