Óskemende ýly gaz taraǵan kópqabatty úıden 40 adam evakýatsııalandy
ÓSKEMEN. QazAqparat – Óskemen qalasynda ýly gaz tumshalaǵan kópqabatty turǵyn úıden 40 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Qazaqstan kóshesindegi kópqabatty úı turǵyndary qutqarýshylarǵa habarlasyp, gaz ıisiniń seziletindigin aıtqan. Oqıǵa ornyna shuǵyl jetken departament qyzmetkerleri qaýipsizdik maqsatynda 40 adamdy, onyń ishinde 9 balany evakýatsııalady.
«Tekserý jumystaryn júrgizgennen keıin qutqarýshylar úı jertólesinen 3 ottegi men 3 gaz ballonyn taýyp syrtqa alyp shyqty. Órt qaýipsizdigi erejelerin buzǵany úshin atalǵan úıge qyzmet kórsetetin uıym qyzmetkeri ákimshilik jaýapqa tartyldy. Qutqarýshylar jertóleni jeldetip, qaýiptiń seıilgenine kóz jetkizgen soń turǵyndarǵa páterlerine oralýǵa ruqsat berdi», - dep habarlady vedomstvo ókilderi.
Osy rette, departament mamandary gaz ballondaryn turǵyn úıdiń jertólesinde saqtaýǵa qatań tyıym salynǵandyǵyn eskertedi.
