Óskemende Ulttyq Ulan sarbazdary sadaqa urlaǵan uryny ustady
ÓSKEMEN. QazAqparat – Óskemen turǵyny saýda ortalyqtarynyń birinde sadaqaǵa arnalǵan jáshikten aqsha urlaǵan, dep habarlaıdy QazAqparat tilshisi QR Ulttyq ulanyna silteme jasap.
Baspasóz qyzmetinde 23 qańtar kúni saǵat 19:30 shamasynda oblystyq polıtsııa ortalyǵy basqarmasy jedel basqarý ortalyǵynyń 102 kanalyna belgisiz eýropalyq keskindi er adamnyń saýda úıine kirip, sadaqa jáshigin ashqany týraly habar kelip túsken.
«Saýda ortalyǵynyń zalynda adam azaıǵan sátti kútip, sadaqa jáshigin ashyp, onyń ishinen jıyrma myń teńge urlap alǵan», - deıdi baspasóz qyzmetinen.
Kishi serjant Azat Ýlıanov pen qatardaǵy Erdos Kıikbaı uryny ustaǵan. Ol – 20 jastaǵy jigit bolyp shyqty. Ustalǵan azamat Ertis polıtsııa bólimine jetkizildi.
Avtor:
Oral Erlanýly
