Óskemende Ulttyq lıgadaǵy erler komandalary arasynda el chempıonatynyń 5-týry ótip jatyr
ALMATY. 1 sáýir. QazAqparat /Erlik Erjanuly/ - Keshe Óskemende voleıboldan Ulttyq lıgadaǵy erler komandalary arasynda HІH Qazaqstan chempıonatynyń 5-týr oıyndary bastaldy.
5 sáýirge deıin sozylatyn bul saıysqa jarys qojaıyndarynyń «Shyǵys-QorǵasynQurylys», Hromtaýdyń «TNK Qazhrom», Almatynyń «Almaty», Oraldyń «Kondensat», Qyzyljardyń «Esil» jáne Atyraýdyń «Atyraý» komandalary qatysýda. Jarystyń alǵashqy kúni almatylyqtar qyzyljarlyqtardy 3:0 esebimen oısyrata utty. Al hromtaýlyqtar men atyraýlyqtar, óskemendikter men oraldyqtar arasyndaǵy oıyn 3:2 esebimen aıaqtaldy. Búgin endi «Almaty» men «TNK Qazhrom», «Esil» men «Kondensat», «Shyǵys-QorǵasynQurylys» pen «Atyraý» ózara saıysqa túsedi. Jalpy, buǵan deıingi 4 týrda almatylyqtar - 37, hromtaýlyqtar - 35, óskemendikter - 31, oral men atyraýlyqtar -26, qyzyljarlyqtar - 25 upaı jınaǵan bolatyn.
