Óskemende «Úlbi-Keshen» JShS-niń kásipornynda ammıak tógildi
ASTANA. Tamyzdyń 26-sy. QazAqparat - Óskemende «Úlbi-Keshen» JShS-niń kásipornynda ammıak tógilip, 3 adam qaýipsiz jerge áketildi, dep habarlady Qazaqstannyń Tótenshe jaǵdaılar mınıstrliginen.
Vedomstvonyń aqparaty boıynsha, sársenbi kúni «Úlbi-Keshen» seriktestiginiń kásipornynda ónerkásiptik tońazytqyshqa ammıak aıdaıtyn qubyrda uzyndyǵy 1 sm jaryqtyń paıda bolýy saldarynan aýdany 600 sharshymetrdi alyp jatqan bokstan 15-20 lıtr ammıak tógilgen.
Qurban bolǵandar men zardap shekkender joq, dep naqtylady mınıstrlikten.
Qazir bul qubyrmen ammıak aıdaý toqtatyldy. Oqıǵa ornynan 3 adam qaýipsiz jerge áketildi, alǵashqy medıtsınalyq kómek kórsetilgennen keıin olar úılerine qaıtaryldy. Boksta gazsyzdandyrý jumystary júrgizildi.
