Óskemende ulandyqtar adasqan balany anasyna tabystady

ASTANA. KAZINFORM – QR ІІM Ulttyq ulanynyń áskerı qyzmetshileri 13 naýryzda Óskemen qalasynda qoǵamdyq tártipti qamtamasyz etý kezinde qyraǵylyq tanytty.

5518 áskerı bóliminiń áskerı jasaǵy sport saraıynyń mańynda qyzmet atqarý kezinde kóshede eresekterdiń qaraýynsyz júrgen jasóspirimdi baıqady.

Anyqtalǵandaı, bala úıine baratyn joldy taba almaı, patrýldeýshilerge adasyp qalǵanyn aıtqan. Ulandyqtar jedel túrde qajetti sharalardy qabyldap, jasóspirimniń jeke basyn jáne turǵylyqty mekenjaıyn anyqtady. Keıin ony úıine jetkizdi.

Ulymen qaıta qaýyshqan anasy osy ýaqytta quqyq qorǵaý organdarynan kómek suraýǵa daıyndalyp jatqanyn aıtty. 

— Men joǵalyp ketken ulymdy barlyq jerden izdedim. Ne isterimdi bilmeı otyrǵan sátte Ulttyq ulannyń áskerı qyzmetshileri esigimdi qaǵyp, balamdy úıge alyp keldi. Qalamyzdyń qaýipsizdigin qamtamasyz etip júrgen jandarǵa shyn júrekten alǵys aıtamyn, - dedi jasóspirimniń anasy. 

Al jasóspirimniń aıtýynsha, qala kóshelerindegi qaýipsizdikti qamtamasyz etip júrgen Ulttyq ulan áskerı qyzmetshileri ol úshin tek qorǵaýshylar ǵana emes, qıyn sátte kómekke keletin qutqarýshylar ekenin jetkizdi.

Eske sala keteıik, buǵan deıin Ulttyq ulannyń qatarynda qansha áıel áskerı qyzmetshi bar ekenin jazǵan edik.