Óskemende tútin basqan shaǵyn aýdandaǵy oqýshylar mektepke barmaıdy

ÓSKEMEN. KAZINFORM – Óskemendegi Tıtan magnıı kombınaty ornalasqan shaǵyn aýdandy tútin tumshalap ketýine baılanysty oqýshylar onlaın formatqa aýystyryldy.

Kesheli beri TMK kásiporny ornalasqan Sogra shaǵyn aýdanynda aýanyń lastanǵany jaıly vıdeo taraı bastady. Onda kóshelerdi tútin basqany kóringen.

Osyǵan baılanysty oblystyq shtab qurylyp, sol jerde jumys istep jatqany da habarlandy. 

Qalalyq Bilim bóliminiń málimetine súıensek, búgin sol aýdandaǵy barlyq mekteptiń birinshi aýysymdaǵy 1-11 synyptaǵy oqýshylary qashyqtan oqytý formatyna aýystyryldy.

Al ekinshi aýysymnyń qalaı oqıtyny týraly aqparat áli jarııa etilmedi.

Eske salsaq, osyǵan deıin Óskemende jelide taraǵan vıdeodan soń ekologtar tekserý júrgizgeni habarlanǵan.