Óskemende tútin tumshalaǵan podezden 20 adam evakýatsııalandy
ÓSKEMEN. QazAqparat – Óskemen qalasynda qara tútin tumshalaǵan podezden 20 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 13 aqpanda Nazarbaev kóshesindegi besqabatty turǵyn úı podezin qara tútin basqan. Belgili bolǵandaı, birinshi qabattaǵy páterde er adam peshke tamaq qoıyp, umytyp ketken. Tútin podezge tarap ketti. Oqıǵa ornyna kelgen qutqarýshylar 20 turǵyndy, onyń ishinde 5 balany evakýatsııalady.
«Órt sóndirýshiler tútin shyqqan páterden 1961 jylǵy úı ıesin alyp shyqty. Kúıgen tamaq jep ýlanyp qalǵan azamat aýrýhanaǵa jetkizilgen. Ol órt qaýipsizdigi erejelerin buzǵany úshin QR ÁQBtK-niń 410-babyna sáıkes ákimshilik jaýapkershilikke tartylady», - delingen habarlamada.
