Óskemende tutas otbasy tútinge ýlanyp, 7 jasar qyz kóz jumdy
ÓSKEMEN.QazAqparat - Óskemende bir otbasy túgelimen ys tıip ýlanyp qaldy, dep habarlaıdy «QazAqparat» tilshisi qalalyq TJ bólimine silteme jasap.
7 jastaǵy qyz jedel járdem qyzmeti kelgenshe kóz jumdy. 53 jastaǵy áıel es-tússiz aýrýhanaǵa tústi, sonymen qatar 5 jastaǵy qyz tútinge qatty ýlanǵan, onyń da jaǵdaıy nashar. Úıdegi 50 jastaǵy er adam men 26 jastaǵy qyz da aýrýhanaǵa jatqyzyldy.
Belgili bolǵanyndaı, úı ıeleri qaýipsizdik sharalaryn óreskel buzyp, pesh moıynyndaǵy syrǵytpany ashpastan ot jaqqan.
TJ mamandarynyń aıtýynsha, osyǵan uqsas qaıǵyly jaǵdaılardyń basym bóligi peshtiń aqaýynan nemese pesh moıynyndaǵy syrǵytpanyń kesirinen bolady eken.
