Óskemende turmystyq qatty qaldyqtar shyǵarý tarıfi kóteriledi

ÓSKEMEN. QazAqparat – Óskemen qalasynda kelesi aıdan bastap qoqys shyǵarý tarıfi qymbattaıdy, dep habarlaıdy QazAqparat tilshisi.

Buǵan deıin abattandyrylǵan jer úıde nemese páterde turatyn bir adam úshin qoqys shyǵarý tarıfi – 211 teńge boldy. Al, abattandyrylmaǵan úı abonenti 270 teńge tólep kelgen.

«Inflıatsııaǵa baılanysty turmystyq qatty qaldyqtardy jınaýmen, suryptaýmen, tasymaldaýmen jáne kádege jaratýmen aınalysatyn kompanııalardyń shyǵyny kóbeıdi. Qala boıynsha osyndaı eki kásiporyn bar, atap aıtqanda «Óskemenspetskommýntrans» JShS jáne «Óskemen-Tazalyq» JShS», - deıdi qalalyq máslıhat hatshysy Aleksandr Svetash.

Endi qoqys shyǵarý tarıfi abattandyrylǵan úıge bir adamǵa – 431 teńge, al abattandyrylmaǵan úıge – 410 teńge bolady.