Óskemende túrme aýmaǵyna psıhotropty zattar laqtyrmaq bolǵan adam ustaldy
ÓSKEMEN. QazAqparat – Óskemende kolonııa aýmaǵyna psıhotroptyq zattardy laqtyrmaq bolǵan er adam ustaldy, dep habarlaıdy QazAqparat tilshisi.
QR UU «Shyǵys» óńirlik qolbasshylyǵy baspasóz qyzmetiniń málimetine súıensek, 8 aqpanda saǵat 21.40 shamasynda Óskemendegi №17 túzetý mekemesiniń kúzetý aýmaǵynda qaraýyl saqshysy ózin kúdikti ustaǵan belgisiz bireýdiń júrgenin baıqap qalǵan.
«Ulttyq ulan jaýyngeri dereý qaraýyl bastyǵyna habar berdi. Sol jerge jiberilgen túzetý mekemesiniń patrýldik toby er adamdy qolǵa túsirdi. Tekserý barysynda onyń sottalýshylarǵa skotchpen oralǵan psıhotropty zattardy laqtyrmaq bolǵany anyqtaldy», - dedi baspasóz qyzmetiniń bastyǵy Baǵdat Amangeldi.
Qazirgi ýaqytta atalǵan fakti boıynsha tergeý amaldary júrgizilip jatyr.
