Óskemende turǵyndar shaǵymynan soń kóktaıǵaq kezinde sebiletin qospa sapasy tekserildi

ÓSKEMEN. QazAqparat – Óskemen qalasynyń turǵyndary kóshege kóktaıǵaq kezinde sebiletin qospadan aıaq kıim men kólik dóńgelegi búlinip jatqanyna shaǵymdanǵan bolatyn. Soǵan oraı ShQO Ekologııa departamenti tekserý júrgizdi, dep habarlaıdy QazAqparat tilshisi.

ShQO Ekologııa departamenti baspasóz qyzmetiniń málimetine súıensek, «Taza Óskemen» kásipornynyń kóshege kóktaıǵaqqa qarsy shashatyn qospasyna tekserý júrgizildi.

Anyqtalǵandaı, olar tehnıkalyq tuz ben qumdy qosyp paıdalanǵan. Ekologııalyq kodekstiń 238-babyna sáıkes, tyıym tek as tuzyna qatysty salynǵan. Onyń ústine bul tuz tehnıkalyq tuzǵa qaraǵanda qymbatyraq. Sondyqtan Óskemende kóshege as tuzyn septi degen qısynǵa da kelmeıdi.

«S.Amanjolov atyndaǵy ShQÝ-dyń zerthanasynda júrgizilgen synaqtardyń nátıjesi kórsetkendeı, kommýnaldyq mekeme qoldanǵan tuzda natrıı hlorıdiniń massalyq úlesi 95,84 paıyzdy qurady. Demek, kásiporynnyń kóktaıǵaqqa qarsy materıal daıyndaýǵa paıdalanatyn tuzy – tehnıkalyq», - delingen aqparatta.

Eske salsaq, osyǵan deıin áleýmettik jelide Óskemen turǵyndarynyń shaǵymy taraǵanyn, onda kommýnaldyq qyzmetterdiń qala kóshelerine shashatyn reagentterinen aıaq kıim men kólik dóńgelegi búlinip jatqany jazylǵanyn habarlaǵan edik.