Óskemende turǵyn úıler salynýǵa arnalǵan jerler jekemenshik fırmalarǵa satylyp ketken
ÓSKEMEN. QazAqparat - Óskemen qalasyndaǵy 19 shaǵynaýdanynda salynyp jatqan turǵyn úılerge arnalǵan memleket ınfraqurylymyndaǵy 37 jer ýchaskesi is júzinde «jeke fırmalarǵa berilgen bolyp shyqty».
Búgin aımaq basshysy Danıal Ahmetovtiń oblystyq ákimdiktegi jıyny barysynda osy másele kóterildi, dep habarlaıdy «QazAqparat» HAA.
«Artyǵymen eseptesek, bul osy jerlerge salynýǵa bolatyn shamamen 200 myń sharshy metr turǵyn úıdi quraıdy. Eger burynǵy basshylyq osyndaı maqsatqa ınvestorlar tartar bolsa, men qarsy emespin. Alaıda, berilgen jerlerde eshteńe salynbaǵan, eshteńe turǵyzylmaǵan, al bizge bul aýdanda qurylysqa jer jetpeıdi», - dedi Danıal Ahmetov. Ol barlyq tıisti basqarmalarǵa osy máseleni túbegeıli sheship, sot talaptaryn daıyndaýdy buıyrdy. Ásirese, jer jáne qurylys qoldanysyn baqylaý basqarmasy oblys basshysynyń qatań synyna alyndy.
