Óskemende turǵylyqty tirkeýi joq saılaýshylar qaıda daýys bere alady

ÓSKEMEN. QazAqparat – Óskemen qalasynyń turǵyndary prezıdent saılaýynda 122 ýchaskege baryp daýys bere alady, dep habarlaıdy QazAqparat tilshisi.

Qala ákimdiginiń málimetine súıensek, 20 qarasha kúni ótetin prezıdent saılaýynda Óskemen boıynsha 122 ýchaske jumys isteıdi. Onyń ishinde jabyq ýchaske sany – 10.

«Qaladaǵy turǵylyqty tirkeýi joq saılaýshylar óz daýystaryn berý úshin arnaıy ýchaskeler daıyndaldy. Olar:

- Qanysh Sátbaev dańǵylynda ornalasqan Oralhan Bókeı atyndaǵy №44 mektep-lıtseıde;

- Qazaqstan kóshesindegi A.S.Pýshkın atyndaǵy Shyǵys Qazaqstan oblystyq kitaphanada;

- Óskemen kóshesindegi Muhamet Shaıahmetov atyndaǵy №23 orta mektepte;

- Jańa-Ahmer kóshesindegi Ahmerov orta mektebinde;

- Almaty kóshesindegi Ahmet Baıtursynov atyndaǵy №20 orta mektepte daýys bere alady», - delingen aqparatta.

Eske salsaq, turǵylyqty tirkeýi joq qazaqstandyqtarǵa daýys berý múmkindigi jasalǵanyn buǵan deıin jazǵan bolatynbyz. Ol úshin azamattar daýys berý ýchaskesiniń ǵımaratyna bir kúnge tirkeýge tura alady. Tıisti qaýlyǵa Úkimet basshysy Álıhan Smaıylov qol qoıdy.

Saılaýshylar tizimine 11 mıllıonnan astam qazaqstandyq endi.