Óskemende turaqtaǵy eki júk kóligi órtendi
ÓSKEMEN. QazAqparat – Óskemen qalasynda avtoturaqtaǵy eki júk kóligi órtenip ketti, dep habarlaıdy QazAqparat tilshisi.
Qalalyq Tótenshe jaǵdaılar basqarmasy baspasóz qyzmetiniń málimetinshe, 25 maýsymda keshki ýaqytta Sátbaev dańǵylyndaǵy avtoturaqta «Scania» júk kóliginen órt shyqqan. Qyzyl jalyn onyń qasyndaǵy dál sol markaly máshınege de jaıylyp ketti.
«Órt sóndirýshiler jalpy aýmaǵy 6 sharshy metrdi quraǵan tilsiz jaýdy aýyzdyqtady. Órttiń shyǵý sebebi – qaýiptiligi joǵary agregatpen abaısyz jumys atqarýdan nemese qasaqana órteýden bolýy múmkin. Zardap shekken eshkim joq», - dep habarlady vedomstvo ókilderi.
TJB dereginshe, sońǵy 2-3 jyl kóleminde bul kólikter turaqta bolǵan.
foto: altaynews.kz