Óskemende «túngi sottyń» tusaýy kesildi
ÓSKEMEN. Qazaqparat - QR Joǵarǵy sotynyń sýdıasy Ulbolsyn Súleımenova shyǵysqazaqstandyq áriptesterine «Túngi sot» ilki jobasyn tanystyrdy, dep habarlaıdy QazAqparat tilshisi.
Ol óz sózinde Sıngapýrdyń sot isin jetildirýdegi tájirıbesin engizýdiń mańyzdylyǵyna toqtalyp, qarapaıym azamattarǵa keler paıdasy mol ekenin atady. Atalmysh elde shuǵyl qaraýdy talap tetin isterdi aptasyna tórt ret «Túngi sot» rejiminde qarastyrý jolǵa qoıylǵan eken.
«Sottasýshy taraptar bolǵan jaıdy aldyn ala jazbasha baıandap, qujat toltyrady. Іs bir túnniń ishinde qaralyp, sheshimi shyǵady. Ózge elderdiń tájirıbesi mundaı jedel sottyń sheshimi qaıta qaralmaıtynyn kórsetken» - dedi Joǵarǵy sot ókili.
Oblystyq sot ókilderi atalmysh ilki jobaǵa qatysty saýaldar qoıyp, birqatar usynystar aıtty. Kezdesý sońynda Ulbolsyn Súleımenova «Túngi sottyń» engizilýi quzyrly organ jumysyn jetildirýge baǵytalatynyn aıtty. Sondaı-aq, onyń qatysýymen «Sotta tatýlastyrý rásimderi» ilki jobasyn júzege asyrý boıynsha semınar-trenıng ótti.
«Bıyl 12 naýryzdan beri Astana qalasynyń Saryarqa aýdandyq sotynda tatýlastyrý rásimderi boıynsha ilki joba júzege asyp jatyr. Ázirge nátıjesin kóńil tolýda» - deıdi Joǵarǵy sot sot ókili.
