Óskemende tramvaılardyń toqtap qalý qaýpi týyndap tur
ASTANA. QazAqparat - Óskemen qalasynda qalalyq tramvaı parkiniń qaryzy saldarynan shahar ishindegi tramvaılardyń toqtap qalý qaýpi týyndap tur, dep habarlaıdy «QazAqparat» HAA tilshisi.
Bul týraly Óskemen qalasy ákiminiń baspasóz hatshysy Ásem Seksenova feısbýk paraqshasynda málimet taratty. Jazbadaǵy habarlamaǵa sáıkes, jeke menshiktegi qalalyq tramvaı parki elektrmen qamtıtyn kásiporynnan iri somada qaryz alǵan. Qaryz ýaqtyly jabylmasa, 22 qarashada energetıkalyq kásiporyn tramvaılardy toqtan ajyratpaq.
«Shygysenergotreıd» JShS tramvaı parki men Óskemen qalalyq ákimdigine resmı túrde kóliktik kásiporynnyń 62 mıllıon teńge qaryz ekenin habarlady. Eger bul soma 22 qarashaǵa deıin ótelmese, energetıkter 22 qarashada parkti elektrmen qamtýdy shektemek», - delingen habarlamada.
Al qalalyq ákimdik bul turǵyda máseleni sheshý jolyn da qarastyryp jatqan kórinedi.
«Óz kezeginde Óskemen qalasynyń ákimdigi qala turǵyndarynyń qajetti baǵdarlar boıynsha qozǵalýy úshin qosymsha nusqalardy qarastyryp jatyr», - dep habarlaıdy Ásem Seksenova.
