Óskemende tramvaılar jumysyn toqtatty
ÓSKEMEN. QazAqparat - Elektr energııasyn jetkizýshi kompanııanyń aldyndaǵy qaryzy bastan asqandyqtan Óskemendegi tramvaı parki ýaqytsha toktan ajyratyldy, dep habarlaıdy QazAqparat tilshisi.
«Shyǵysenergotreıd» kompanııasy tramvaı parkiniń ıesine buǵan deıin de birneshe ret eskertý jasaǵan bolatyn. Biraq parktiń kompanııa aldyndaǵy qaryzy ýaqyt ótken saıyn azaıýdyń ornyna kóbeıe túsken. Aqyry elektr energııasyn jetkizýshi kompanııa tramvaılardy kúndizgi saǵat 10.00-17.00 aralyǵynda toqtatý týraly sheshim qabyldady.
«Tarmvaılardyń ýaqytsha toqtaǵany ras. Biraq onyń qashanǵa deıin jalǵasatynyn bilmeımiz. «Shyǵysenergotreıd» kompanııasy qaryz tolyq ótelmeıinshe tok bermeıtinin aıtyp otyr. Qazirgi qaryz mólsheri 75 mln teńge shamasynda. Toqtap qalǵan tramvaılardyń ornyna avtobýstar shyǵardyq. Olarmen júrý aqysy kádimgi avtobýstardyń baǵasyna sáıkes. Óıtkeni, avtobýs janarmaımen júredi. Elektr qýatymen júretin tramvaımen salystyrǵanda shyǵyny kóbirek. Sondyqtan bul máselege turǵyndar túsinistikpen qaraıdy dep oılaımyz» - deıdi Óskemen qalasynyń jolaýshylar tasymalyn basqarý ortalyǵy dırektorynyń orynbasary Ernar Mustafın.
Foto: yk-news.kz
