Óskemende tramvaılar toqtady
ÓSKEMEN. QazAqparat – Óskemen qalasynda tramvaı qozǵalysy toqtady, dep habarlaıdy QazAqparat tilshisi.
Óskemen kólik kompanııasynyń málimetine súıensek, tramvaı qozǵalysynyń toqtaýyna Myzy kóshesindegi tehnıkalyq apat sebep boldy.
«Atalǵan kóshede tramvaı jelisi úzilip qalǵan. Soǵan oraı qoǵamdyq kólikter qatynaýyn toqtatty. Qazirgi ýaqytta oqıǵa ornynda apattyq top qyzmetkerleri jelini múmkindiginshe tez qalpyna keltirý úshin jumys júrgizýde. Shahar turǵyndary men qonaqtarynan keltirilgen qolaısyzdyqtar úshin keshirim suraımyz», - delingen aqparatta.
Aıta keteıik, osyndaı tehnıkalyq apat bıyl birinshi ret bolyp otyrǵan joq. Taıaýda dál osy kóshede tramvaı jelisi úzilgen bolatyn.
