Óskemende tramvaıdyń toqtatylýy keıinge qaldyryldy
ÓSKEMEN. QazAqparat - 22 qarashada qaryzǵa batqan Óskemen tramvaı parkine elektr qýatyn berýdi toqtatýy keıinge qaldyryldy, dep habarlaıdy «QazAqparat» HAA tilshisi.
Qazir «Óskemen tramvaı parki» JShS men «Shyǵysenergotreıd» energetıkteri arasynda tasymaldaýshynyń qaryzyn jabý grafıgi boıynsha kelissózder júrip jatyr. Qaryzdyń kólemi 60 mln teńge.
Buryn habarlanǵanyndaı, «Shyǵysenergotreıd» JShS tramvaı parkine 22 qarasha kúni saǵat 10:00-den 16:00-ge deıin elektr energııasyn berýdi shekteýdi josparlaǵan bolatyn.
Qalanyń kommýnaldyq qyzmetteri tramvaı toqtaǵan jaǵdaıda jańa avtobýs baǵyttaryn ashýdy kózdep otyr. Bul jaıly jergilikti BAQ-ta tolyqqandy aıtyldy.
Qala turǵyndarynyń suranysyna oraı tramvaı baǵyttarynyń 95%-yn qamtıtyn avtobýs baǵdarlary shyǵaryldy. Óskemen jolaýshy tasymalyn basqarý ortalyǵy bergen aqparatqa qaraǵanda, jańa baǵyttar tramvaı toqtatylǵan merzimde qyzmet kórsete otyryp, keıin turaqty baǵdarda qalýy yqtımal.
