Óskemende tramvaıdyń astyna túsip qalǵan áıel kóz jumdy
ÓSKEMEN. QazAqparat - Búgin tańerteń tramvaı qaǵyp ketken 75 jastaǵy zeınetker birinshi qalalyq aýrýhananyń jansaqtaý bóliminde alǵan jaraqatynyń saldarynan kóz jumdy, dep habarlaıdy «QazAqparat» HAA tilshisi.
Buryn habarlanǵanyndaı, 19 shilde kúni 7 saǵat 50 mınýtta Óskemendegi «Elektrotaýarlar» aıaldamasynda tramvaı 75 jastaǵy áıeldi qaǵy ketken edi. Zeınetker №3 baǵyttaǵy tramvaıdyń sońynan júrip kele jatqan kelesi tramvaıdan túsip, onyń aldyn kesip ótpekshi bolǵan. Kólik ony birneshe metrge deıin súırep, áıeldiń aıaǵyn kesip ketken. Ony aýrýhanaǵa jetkizgen, alaıda úsh saǵattan keıin áıel kóz jumdy. Polıtsııa tergeý júrgizýde, - dep habarlady óńirlik ІІD-de.
