Óskemende tramvaıdan túsken jolaýshyny kólik qaǵyp ketti

ÓSKEMEN. QazAqparat – Óskemen qalasynda tramvaıdan túsken jolaýshyny kólik qaǵyp ketti, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy búgin Abaı dańǵylynda bolǵan.

«Tramvaıdan túsken er adam joldan ótip bara jatty. Sol kezde ekinshi jolaqpen kele jatqan jeńil kólik jaıaý júrginshini qaǵyp ketken. Soqqydan ushyp túsken azamat asfaltqa qulady», - delingen aqparatta.

Abyroı bolǵanda, jaıaý júrginshi aman qaldy. Ony jedel járdem qyzmetkerleri aýrýhanaǵa jetkizdi.

Polıtsııa qyzmetkerleri oqıǵanyń mán-jaıyn anyqtap, saraptama júrgizýde. Kimniń kináli ekendigi sonyń nátıjesinen keıin belgili bolady. Sebebi aıaldamanyń janynda jerasty ótkel bar. Al jaıaý júrginshi joldy ruqsat etilmegen jerden kesip ótken.