13:31, 29 Shilde 2022 | GMT +6
Óskemende tramvaı jolaqysy qymbattaıdy
ÓSKEMEN. QazAqparat – Óskemen qalasynda tramvaı jolaqysy qymbattaıdy, dep habarlaıdy QazAqparat tilshisi.
«Óskemen qalalyq kólik kompanııasy» JShS málimetine súıensek, tramvaı jolaýshylary úshin 1 tamyzdan bastap baǵa qymbattaıdy. Qazir tramvaıda kólik kartasymen tólem jasaǵanda nemese Kaspi.kz qosymshasy arqyly QR kodyn paıdalanǵan kezde jolaqy 80 teńgeni quraıdy.
«Kelesi aıdan bastap tramvaıda jol júrý aqysy 90 teńgege deıin kóteriledi. Baǵa kommýnaldyq qyzmetterdiń, atap aıtqanda elektr energııasy men sýmen jabdyqtaýdyń qymbattaýyna baılanysty ózgerip otyr», - delingen aqparatta.
Tramvaılarda áleýmettik topqa jatatyn jolaýshylarǵa arnalǵan barlyq jeńildikter burynǵysha saqtalmaq.
Esterińizge sala ketsek, osyǵan deıin Óskemende tamyz aıynda tramvaılar ýaqytsha toqtaıtynyn habarlaǵan edik.
