Óskemende tramvaı zeınetkerdi qaǵyp ketti
ÓSKEMEN. QazAqparat - Búgin tańǵy saǵat 7.50-de Óskemendegi «Elektrotovary» aıaldamasynda tramvaı 75 jastaǵy áıel adamdy qaǵyp ketti, dep habarlaıdy «QazAqparat» HAA tilshisi.
Oblystyq ishki ister departamenti qazirgi ýaqytta áıeldiń birinshi qalalyq aýrýhananyń ota jasaý bólimine jatqyzylǵanyn málim etti.
Belgili bolǵandaı, zeınetker №3 baǵyttaǵy tramvaıdyń sońynan júrip kele jatqan kelesi tramvaıdan túsip, onyń aldyn kesip ótpekshi bolǵan. Kólik ony birneshe metrge deıin súırep aparǵan. Áıeldiń aıaǵyn kesip ketken.
«Oqıǵanyń jaı-japsary anyqtalyp jatyr. Qandaı qylmystyq bap boıynsha is qozǵalatyndyǵy ázirge belgisiz», - dep habarlady óńirlik ІІD.
