Óskemende tramvaı relsteri 2023 jyly tolyqtaı jóndelip bitedi
ÓSKEMEN. QazAqparat – Óskemen qalasynda tramvaı joldary kelesi jyly tolyqtaı jóndelip bitedi, dep habarlaıdy QazAqparat tilshisi.
«Óskemen» kólik kompanııasy» JShS málimetine súıensek, qazirgi ýaqytta qaladaǵy tramvaı joldaryn jóndeý jumystary jalǵasyp jatyr.
Máselen, Myzy kóshesinen Qabanbaı batyr kóshesine deıingi aralyqtaǵy tramvaı jolyn rekonstrýktsııalaý jumystary birneshe aıdan beri jalǵasýda. Sonyń barysynda kósheniń bir jaǵyndaǵy asfalt jabyny da aýystyryldy. Endi bir aıdyń ishinde qarsy baǵyttaǵy asfalttyń da sońǵy qabaty tóseledi.
«Atalǵan joba eki jylǵa eseptelgen bolatyn. Jalpy qaladaǵy tramvaı joldary 2023 jyly tolyqtaı jóndelip bitedi dep josparlanyp otyr», - delingen aqparatta.
