Óskemende tramvaı relsten shyǵyp ketti

ÓSKEMEN. QazAqparat – Óskemen qalasynda tramvaı relsten shyǵyp ketti, dep habarlaıdy QazAqparat tilshisi.

Búgin tańerteń B.Aleksandrov atyndaǵy sport saraıynyń tusyndaǵy jerústi ótkeliniń mańynda tramvaı relsten shyǵyp ketti.

Sonyń saldarynan Abaı dańǵylynda Óskemen vokzalyna qaraı baǵyt alyp bara jatqan tórt tramvaı toqtady. Buǵan relsterdiń múshkil jaǵdaıy sebep bolǵan. Oqıǵa ornyna birden «Kólik kompanııasy» JShS mamandary jetti. Bir saǵat ishinde qozǵalys qalpyna keltirildi.

«Biraq relster áli de jóndeýdi qajet etedi. Túnge qaraı jóndeý jumystaryn bastaımyz. Bul relsterdi aýystyrý úshin jobalyq-smetalyq qujattama ázirlengen. Qarajat bólingen soń, tıisti jumystar atqarylady», - dedi kompanııa basshysy Mıhaıl Chaıka.