Óskemende tramvaı relsiniń qıylystaryna rekonstrýktsııa jasalady

ÓSKEMEN. QazAqparat - Óskemen qalasynda bıylǵy jazda tramvaı relsi qıylystarynyń 70% qalypqa keltiriledi, dep habarlaıdy QazAqparat tilshisi.

Qala ákimdiginiń málimetinshe, tramvaı jelisin rekonstrýktsııalaý jobasy aıasynda N.Nazarbaev dańǵylyndaǵy rels qıylystary jóndeledi.

Búginde Neftıanoı kóshesindegi qıylys jańartylǵan. Kelesi kezekte Mostovoı jáne Pogranıchnyı kóshelerindegi jol qıylystary tur.

«Mamyr aıynda Abaı-Bajov qıylysy jóndeýden ótken. Kelesi aıda jóndeý jumystary Abaı-Mıhaelıs qıylysynda bastalady. Bul kósheni rekonstrýktsııalaý aıasynda Shákárim dańǵylyndaǵy segiz qıylys jańartylady», - dep habarlady ákimdiktegiler.

Sonymen qatar Qabanbaı batyr-Qazaqstan jáne Myzy-Qazaqstan qıylystary da jóndelmek.