Óskemende tramvaı órtendi
ÓSKEMEN. QazAqparat – Búgin Óskemen qalasyndaǵy Qazaqstan kóshesinde kele jatqan tramvaıdan órt shyqty, dep habarlaıdy QazAqparat.
«Óskemen kólik kompanııasy» JShS dırektory Mıhaıl Chaıka bolǵan oqıǵanyń mán-jaıyn aıtyp berdi.
«Kúnniń kúrt jylynyp ketýine baılanysty tramvaı relsindegi qar erigen. Jolaı ótip bara jatqan kólikter sý shashyp, qoǵamdyq kóliktiń motory ylǵaldanǵan. Bul órttiń shyǵýyna sebep bolǵan», - deıdi ol.
Onyń aıtýynsha, tramvaı birden qalalyq parkke jetkizilip, tekserilýde.
Esterińizge sala ketsek, osyǵan deıin Óskemende tramvaıdyń relsten shyǵyp ketkeni habarlanǵan bolatyn.