10:16, 09 Sáýir 2024 | GMT +6
Óskemende tramvaı órtendi
ÓSKEMEN. KAZINFORM – Óskemen qalasynda júrip kele jatqan tramvaıda órt shyqty.
ShQO Tótenshe jaǵdaılar departamenti baspasóz qyzmetiniń málimetine súıensek, qaladaǵy Nazarbaev dańǵylynda marshrýt boıynsha júretin tramvaı órtenip ketti. Sol kezde ishte bolǵan jolaýshylar óz betterimen syrtqa shyǵyp úlgerdi.
«Oqıǵa ornyna №7 órt sóndirý bóliminiń qyzmetkerleri shuǵyl kelip jetti. Belgili bolǵandaı, tramvaıdyń elektr symdary otqa oranǵan. Kóp uzamaı jalyn tolyqtaı aýyzdyqtaldy. Aldyn ala derek boıynsha órttiń shyǵýyna – qaýiptiligi joǵary agregatpen abaısyz jumys isteý sebep bolǵan», - delingen aqparatta.
Tilsiz jaýmen kúreske 2 tehnıka men jeke quramnan 8 adamy jumyldyryldy.
