Óskemende tramvaı qaqqan 62 jastaǵy turǵyn kóz jumdy
ÓSKEMEN. QazAqparat – Óskemen qalasynda tramvaı qaqqan er adam kóz jumdy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, oqıǵa 30 jeltoqsan kúni saǵat 15:30 shamasynda Abaı dańǵyly boıyndaǵy «Start» saýda úıiniń mańynda bolǵan.
«Sońǵy málimet boıynsha qala turǵyny ruqsat etilmegen jerde joldan ótip bara jatqan. Sol kezde ony tramvaı qaǵyp ketti. Aýyr dene jaraqattaryn alǵan er adam sol jerde mert bolǵan», - dedi ShQO PD bastyǵy Saǵat Madıev.
Qazirgi ýaqytta oqıǵa ornynda polıtsııa qyzmetkerleri jumys istep jatyr.
Anyqtalǵandaı, marqum Óskemen qalasynyń 62 jastaǵy turǵyny bolyp shyqty.
