Óskemende tórtinshi qabattan qulaǵan 5 jasar bala kóz jumdy
ÓSKEMEN. KAZINFORM – Óskemen qalasynda kópqabatty turǵyn úıdiń tórtinshi qabatynan qulap ketken bala mert boldy.
Ázirge balanyń naqty qalaı qulaǵany belgisiz.
– 5 jasar balanyń ólimine qatysty sotqa deıingi tergep-tekserý amaldary bastaldy. Oqıǵanyń mán-jaıyn anyqtaýǵa baǵyttalǵan barlyq qajetti tergeý áreketi júrgizilip jatyr, - dep habarlady ShQO polıtsııa departamentiniń baspasóz qyzmetinen.
Jyl basynan beri oblys boıynsha 5 bala terezeden qulap ketken.
– Osyndaı qaıǵyly jaǵdaılardyń aldyn alý úshin terezelerge arnaıy qorǵanys qurylǵylaryn ornatý qajet. Moskıt tory qorǵanysh bola almaıdy. Balalardy úıde jalǵyz qaldyrmaýǵa, tereze mańynda jalǵyz júrgizýge bolmaıdy, - dep eskertti oblystyq tótenshe jaǵdaılar departamentinen.
Eske salsaq, osyǵan deıin Petropavlda múgedektigi bar 9 jasar qyzdyń terezeden qulaǵany habarlanǵan.
