Óskemende tok soqqan er adam kóz jumdy
ÓSKEMEN. QazAqparat - Shyǵys Qazaqstan oblysynyń Óskemen qalasynda tok urǵan er adam kóz jumdy, dep habarlaıdy QazAqparat yk.kz portalyna silteme jasap.
«OESK» AQ baspasóz qyzmetiniń málimetine sensek, mert bolǵan adamnyń turaqty mekenjaıy joq.
28 naýryz kúni saǵat 13:11 kezinde Kosmıcheskaıa kóshesiniń turǵyndary elektrmen jabdyqtaýshy kásiporynǵa habarlasyp, jaryq sónip qalǵanyn aıtqan.
Oqıǵa ornyna kelgen shuǵyl brıgada transformator dúńgirsheginen beıtanys adamnyń denesin tapty.
«Elektr qaýipsizdigi erejelerin saqtamaı, toǵy bar jelige janasýynan azamatty tok uryp, kóz jumǵan. Bolǵan jaǵdaı negizinde tıisti saraptama jasalyp jatyr» dep málim etti «OESK» kompanııasynyń baspasóz qyzmeti.
