Óskemende toǵyzynshy qabattan sekirmek bolǵan áıel qutqaryldy

ÓSKEMEN. QazAqparat – Óskemen qalasynda toǵyzynshy qabattan sekirmek bolǵan áıel qutqaryldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylarǵa jibek matalar kombınaty yqsham aýdanyndaǵy kópqabatty turǵyn úıdiń 9 qabatynda áıel adamnyń sekirgeli turǵany týraly habar tústi.

«Oqıǵa ornyna shuǵyl kelip jetken TJD mamandandyrylǵan jasaq qyzmetkerleri balkon terezesinen aıaǵyn tómenge salbyratyp otyrǵan áıeldi kóredi. Dereý balkon astyna «ómir kýby» dep atalatyn jumsaq qorǵanysh quralyn ornatty», - delingen aqparatta.

Sol ýaqytta qutqarýshylardyń basqa bir bóligi avtosaty arqyly kóterilip, áıeldi ustap aldy da ishke kirgizdi.

Departamenttiń jedel qutqarý jasaǵynyń psıhology 34 jastaǵy áıelmen sóılesip kórdi. Onyń sýıtsıd jasaýǵa nıettenýine kúıeýimen arada bolǵan janjal sebep bolǵan.