Óskemende terrorızm aktisi týraly jalǵan habarlama bergen oqýshy ustaldy

ASTANA. QazAqparat - Osy jylǵy 8 qarashada Óskemen qalasy bilim berý bóliminiń elektrondyq mekenjaıyna qalanyń 6 mektebin jarý qaýpi bary jóninde hat kelip tústi. Tekseris barysynda aqparat rastalmady, jarylǵysh zattar anyqtalmady, dep habarlaıdy Polisia.kz

Terrorızm aktisi týraly kórneý jalǵan habarlama úshin oblystyq Polıtsııa departamenti qylmystyq is qozǵady. 15 qarashada jedel-izdestirý is-sharalary barysynda departamenttiń Ektremızmge qarsy is-qımyl basqarmasynyń qyzmetkerleri ulttyq qaýipsizdik organdarymen birlese otyryp, jalǵan habarlama úshin qalanyń bir mektebiniń 9-synyp oqýshysy anyqtalyp, ustaldy.

Oqýshy mekteptegi testileýge daıyn bolmaǵandyqtan, osyndaı áreketke barǵan. Іshki ister mınıstrligi terrorızm aktisi týraly kórineý jalǵan habarlama úshin bes myń aılyq eseptik kórsetkish mólsherinde aıyppul (búgingi kúni 15,9 mln teńge) ne bolmasa osy mólsherde túzetý jumysyna, sondaı-aq bes jylǵa deıingi merzimge bas bostandyǵynan shekteý nemese aıyrý jazasyna tartý kózdelgenin eskertedi.