Óskemende terek mamyǵynyń jınalýynan eki kólik órtendi
ÓSKEMEN. QazAqparat –Óskemende garaj boksynda órt shyǵyp, eki avtokólik zardap shekti, dep habarlaıdy QazAqparat tilshisi Tótenshe jaǵdaılar jónindegi qalalyq basqarmaǵa silteme jasap.
TJB málimeti boıynsha, jeksenbi kúni Mıhaelıs kóshesindegi kóppáterli úıdiń aýlasynda ornalasqan garaj boksynda órt shyqqany týraly habar kelip túsken.
«Órt sóndirýshiler oqıǵa ornyna jetken kezde «Mıttsýbısı AMH» (aldyńǵy bóligi) jáne «Toıota Kaldın» markaly avtokólikteri janyp ketti. Qutqarýshylar jalpy aýdany 5 sharshy metr bolatyn jalyndy jedel sóndirdi. Zardap shekkender joq», - dep atap ótti TJ basqarmasy.
Jaǵdaıdy anyqtaý barysynda órttiń jaqyn mańdaǵy qoqystardan terek mamyǵy men japyraqtary garaj bokstaryna ushyp jınalǵany anyqtaldy.
