Óskemende temirjol tetikterin urlaǵandarǵa úkim shyqty
ÓSKEMEN. QazAqparat - Óskemen qalasynyń soty temirjol boıynan bekitkish tetikter urlaǵan 22 jastaǵy jigitterge qatysty úkim shyǵardy, dep habarlaıdy QazAqparat tilshisi.
Kúdiktiler bir emes, 458 bekitkish tetikti qoldy etken. Sogra kentindegi jaldamaly baspanalaryna qaıtyp kele jatqan boıda jigitterdiń oıyna metall qabyldaıtyn orynǵa temirjol tektikterin ótkizý ıdeıasy keledi. Eki jigit te buryn sottalmaǵan, jumyssyz ári boıdaq ekeni anyqtalyp otyr.
Olar 10 qap, eki polıetılen dorbany toltyrý úshin eki kún boıy balǵamen tynymsyz «eńbek etken». Temirjol kompanııasy bekitkishterdiń urlanǵanyn jol dıspetcherinen bilgen. Jas jigitter qylmysy áshkere bolǵan soń, eshqandaı sotsyz mámilege kelýge umtylǵan. Biraq is sotqa jetip, úkim shyqty.
Sot jigitterdiń buryn sottalmaǵanyn, qylmystaryn moıyndaǵanyn eskerip, 2 jáne 1,5 jylǵa shartty túrde bas bostandyqtarynan aıyrdy. Olar osy aralyqta 240 saǵattyq eńbekpen túzetý sharalaryna tartylatyn boldy.
