Óskemende tekserilgen avtobýstardyń jartysynda ekologııalyq talaptar saqtalmaǵan

ÓSKEMEN. KAZINFORM - Óskemen qalasynda tekserilgen árbir ekinshi avtobýs ekologııalyq baqylaýdan óte almady.

ShQO Ekologııa departamentiniń mamandary «Oktıabrskaıa» jáne «Prıstan» aıaldamalaryna toqtaǵan dızelmen júretin avtobýstardy tekserdi.

Kún saıyn júzdegen jolaýshyny tasymaldaıtyn, negizgi kóshelermen júretin qoǵamdyq kólikterge erekshe nazar aýdaryldy. Barlyǵy 20 avtobýs tekserilip, onyń jartysynda tútinniń ruqsat etilgen mólsherden asýy tirkeldi.

— Aspaptyq ólsheý jumystary dızel qozǵaltqyshtarynyń ekologııalyq kórsetkishterin retteıtin QR ST 1433-2023 ulttyq standartyna sáıkes keletin jabdyqpen júrgizildi. Qoǵamdyq kólikter — adam kóp jınalatyn jerlerdegi aýa sapasyna erekshe áser etetin qozǵalmaly lastaýshy kózder, — deıdi departament mamandary.

Vedomstvo málimetinshe, ekologııalyq normalardy buzǵan avtobýs ıelerine zań sheńberinde tıisti sharalar qoldanylady.

Tekserý jumystary shilde aıynyń sońyna deıin jalǵasatyn «Taza aýa» aktsııasynyń aıasynda júrgizildi. Jospar boıynsha tek avtobýs emes, basqa da ekologııalyq talaptardy buzatyn kólik túrleri tekseriledi.

Eske salsaq, osyǵan deıin ShQO turǵyny ekologııalyq kýálikten bas tartý týraly sheshimdi sot arqyly zańsyz dep tanytqany jaıly jazǵanbyz.