Óskemende tegin tamaq taratamyn dep dúrbeleń týǵyzǵan kásipker qamaldy
ÓSKEMEN. KAZINFORM — Óskemen qalasynda dúkenniń zańsyz ashylýyn uıymdastyrǵan azamat 5 táýlikke qamaýǵa alyndy.
ShQO polıtsııa departamenti baspasóz qyzmetiniń málimetine súıensek, Óskemende jergilikti atqarýshy organdarmen kelisilmeı jáne qoldanystaǵy zańnamany óreskel buza otyryp, aıaq kıim dúkeniniń ashylýy uıymdastyrylǵan. Sonyń barysynda tegin tamaq taratý aktsııasy ótkizilip, aıaq kıimder tómendetilgen baǵamen satylǵan.
— Uıymdastyrýshynyń bul áreketi adamdardyń baqylaýsyz jáne beıbereket shoǵyrlanýyna ákep soqtyrdy. Bul qoǵamdyq tártiptiń buzylýyna jáne azamattardyń qaýipsizdigine naqty qater tóndirdi. Atalǵan fakti boıynsha quqyq qorǵaý organdary dereý tekserý júrgizdi, — delingen aqparatta.
Jınalǵan materıaldardy qaraý qorytyndysy negizinde uıymdastyrýshy QR ÁQBtK-niń 488-1-babymen (Sporttyq jáne sporttyq-buqaralyq, oıyn-saýyq mádenı-buqaralyq is-sharalardy uıymdastyrý jáne ótkizý tártibin buzý) boıynsha ákimshilik jaýapkershilikke tartyldy. Sot sheshimimen quqyq buzýshy 5 táýlikke qamaýǵa alyndy.
Eske salsaq, osyǵan deıin Baıqońyr qalasy turǵyndarynyń úıinen 180-ge jýyq dinı ádebıet tabylǵany habarlanǵan.
