Óskemende «Taza Qazaqstan» bastamasy aıasynda jastarmen kezdesý ótti

Jıyndy Óskemen qalasynyń Jastar resýrstyq ortalyǵy uıymdastyrdy. Kezdesýde ekologııalyq mádenıetti qalyptastyrý, qoǵamdyq jaýapkershilikti arttyrý jáne qorshaǵan ortany qorǵaý máseleleri talqylandy.

- Ekologııalyq mádenıetti qalyptastyrýda osyndaı kezdesýlerdiń mańyzy zor. Bul máseleler únemi talqylanyp otyrsa, azamattardyń ekologııalyq saýattylyǵy da arta túsedi. Kezdesýdiń maqsaty - Memleket basshysy Qasym-Jomart Toqaevtyń bastamasymen qolǵa alynǵan «Taza Qazaqstan» aktsııasy jaıly jastarmen pikir almasý, – dedi «Qoǵamnyń ekologııalyq damý ortalyǵy» qoǵamdyq birlestiginiń jetekshisi Tánir ıAssa.

Kezdesýge eriktiler, stýdentter jáne qalanyń belsendi jastary qatysty. Qatysýshylar «Taza Qazaqstan» jalpyulttyq bastamasy aıasynda júzege asyrylyp jatqan jumystar, tabıǵatty uqypty paıdalaný jáne jastardyń ekologııalyq bastamalarǵa belsendi qatysýy jóninde pikir almasty.