Óskemende tasymaldaýshy kompanııalar avtobýstardy toqtatpaıtyn boldy
ÓSKEMEN. QazAqparat - Óskemendik tasymaldaýshy kompanııalar kúndizgi raılarynan qaıtyp, erteń avtobýstardy toqtatpaıtyn bolyp sheshti, dep habarlaıdy QazAqparat tilshisi.
Bul týraly Óskemen qalasy ákimdiginiń «Feısbýk» paraqshasynda aıtyldy.
«Qala ákimdigi barlyq avtobýs marshrýttarynyń úzilissiz jumys isteýi úshin kelissóz júrgizdi. Búgin keshke áleýmettik jelilerde bul másele qyzý talqylandy. 3 tasymaldaýshy kompanııa 17 naýryzda kúndizgi ýaqytta ózderine tıesili marshrýttardy jolǵa shyǵarmaıtynyn málimdegen bolatyn. Barlyq baǵyttaǵy avtobýstar kúni boıy jumys isteıtin bolady. Tasymaldaýshy kompanııalardyń memlekettik kirister departamenti aldyndaǵy qaryz máselesin arnaıy komıssııa qarap jatyr. Al turǵyndar qoǵamdyq kólik qyzmetin esh kedergisiz paıdalanady. Kelissóz nátıjesinde eshbir avtobýs toqtamaıtyn bolyp sheshildi» - delingen habarlamada.
Aıta keteıik, 16 naýryzdyń keshine qaraı Óskemendegi 3 tasymaldaýshy kompanııa 17 naýryz kúni ózderine tıesili 14 mashrýttyń avtobýstary ońtaılanǵan rejimde jumys isteıtinin málimdegen bolatyn.
