Óskemende tártip saqshysy órt shyqqan páterden áıeldi qutqaryp qaldy
ÓSKEMEN. QazAqparat – Óskemen qalasynda Ulttyq ulannyń 5518 áskerı bóliminiń saqshysy qyzyl jalyn sharpyǵan úıden áıel adamdy qutqardy, dep habarlaıdy QazAqparat tilshisi.
29 sáýir kúni túngi saǵat 23.00 shamasynda Óskemen qalalyq jedel basqarý ortalyǵynan Amýrskaıa kóshesinde ornalasqan kópqabatty turǵyn úıdegi páterde órt shyqqany jaıly jedel aqparat túsken.
«Tilsiz jaý sharpyǵan úıde mańynda patrýlde júrgen 5518 áskerı bóliminiń tártip saqshysy Azamat Seıtov dereý atalǵan meken-jaıǵa kelip jetti. Bul kezde páter ishindegi áıel tipti órt shyqqanyn sezbesten shyrt uıqyda jatqan. Kapıtan Azamat Seıtov ony uıqysynan oıata salysymen, dalaǵa alyp shyqty. Sondaı-aq qutqarýshylar kelgenshe ózdiginen órtti aýyzdyqtap úlgergen», - deıdi QR UU «Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldi.
Anyqtalǵandaı, órt qosýly kúıde qalǵan elektr plıtkasynyń kesirinen shyqqan.
