Óskemende tańerteń bolǵan jol apaty jaıly jańa málimetter belgili boldy
ÓSKEMEN. QazAqparat - Qylmystyq kodekstiń 345 baby, 3 tarmaǵy - adam ólimine ákelip soqqan jol apaty boıynsha sotqa deıingi tekserý jumystary bastalyp ketti.
Bul týraly «QazAqparat» tilshisine ShQO ІІD mamandary aıtty.
Aqparatqa sáıkes, tańǵy 8 shamasynda Zaşıta aýdany mańynda jol-kólik oqıǵasy boldy. «Renault Sandero» kóliginiń 64 jastaǵy júrgizýshisi qarsy betke shyǵyp ketip «Volkswagen Passat » avtomobıline soǵylǵan.
«Renault Sandero» júrgizýshisi sol jerde qaza tapty. «Volkswagen Passat » júrgizýshisi men jolaýshylary kóptegen jaraqattarmen aýrýhanaǵa jetkizildi.
Eske sala keteıik , tańerteń Óskemendegi Zaşıta aýdany mańynda jol apat boldy.
Kýágerlerdiń aıtýynsha, ÚMZ mańyndaǵy kópirden túse beriste eki jeńil kólik soqtyǵysyp qalǵan. Dál osy jerde jyldamdyqty shekteıtin jol belgisi ornatylǵan. Eki kóliktiń de saý tamtyǵy qalmaǵan, kýágerler adam ólimi bolǵandyǵyn jetkizdi.
