Óskemende taksı júrgizýshisi jolaýshynyń sómkesin tartyp aldy

ÓSKEMEN. QazAqparat – Óskemende qalasynda taksı júrgizýshisi jolaýshynyń sómkesin tartyp alǵan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 43 jastaǵy qala turǵyny ózin taksı júrgizýshisiniń tonap ketkendigin aıtqan.

«Anyqtalǵandaı, jábirlenýshi jol aqysyn tóleı almaǵan. Taksı júrgizýshisi ony úıdiń aýlasynan túsirip, ámııany, jeke kýáligi, 500 teńge aqshasy, bank kartasy men uıaly telefony salynǵan sómkesin alyp ketken. Osynyń saldarynan keltirilgen materıaldyq shyǵyn 45 000 teńgege baǵalandy», - dedi ShQO PD bastyǵy Saǵat Mádıev.

Jedel-izdestirý sharalaryn júrgizý barysynda krımınaldyq polıtsııa qyzmetkerleri 31 jastaǵy er adamdy ustady. Kúdikti óz kinásin moıyndap otyr.

Atalǵan fakti boıynsha QR QK-niń 389-baby 1-bóligi boıynsha sotqa deıingi tergeý júrgizilýde.