Óskemende taǵy da tramvaı órtendi
ÓSKEMEN. QazAqparat – Óskemen qalasynda tramvaıdan órt shyqty, dep habarlaıdy QazAqparat tilshisi.
Qalalyq Tótenshe jaǵdaılar basqarmasy baspasóz qyzmetiniń málimetine súıensek, búgin Qazaqstan kóshesinde kele jatqan qoǵamdyq kólikti qyzyl jalyn sharpyǵan. Oqıǵa ornyna dereý jetken órt sóndirýshiler tilsiz jaýdy saǵat 11.34-te tolyqtaı aýyzdyqtady.
«Órt vagon astyndaǵy arbashanyń rezeńke bóliginen shyqqan. Qazirgi ýaqytta jalynnyń jalpy aýmaǵy anyqtalýda», - dep habarlady vedomstvo ókilderi.
Esterińizge sala ketsek, 25 aqpan kúni Óskemende Qazaqstan kóshesinde kele jatqan qoǵamdyq kóliktiń motory ylǵaldanyp, sonyń saldarynan órt shyqqan bolatyn.
