Óskemende taǵy da mektepke bomba qoıylǵany týraly habar túsip, oqýshylar men muǵalimder evakýatsııalanýda
ÓSKEMEN. QazAqparat – Óskemen qalasynda taǵy da mektepke bomba qoıylǵany habar túsip, oqýshylar men muǵalimder evakýatsııalanýda, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 9 aqpanda saǵat 16:10-da polıtsııaǵa Óskemendegi mektepterdiń birine jarylǵysh zat qoıylǵany týraly habar tústi.
«Sıgnaldy alǵannan keıin mamandandyrylǵan qyzmetter dereý oqıǵa ornyna keldi. Qazirgi ýaqytta oqýshylar men muǵalimder evakýatsııalanyp, ǵımarat ishine tekserý júrgizilýde», - dep habarlady vedomstvodan.
Osy rette, polıtseıler halyqty sabyrlyq saqtaýǵa jáne engizilgen shekteýlerge túsinistikpen qaraýǵa shaqyrady.
Eske salsaq, 6 aqpanda Óskemende sotqa jáne mektepke bomba qoıylǵany týraly habar túskeni habarlanǵan.
