Óskemende taǵy bir jyly aıaldama salyndy

ÓSKEMEN. QazAqparat - Óskemen qalasynda jeke kásipkerdiń qarajatyna jyly aıaldama salyndy, dep habarlaıdy QazAqparat.

Jańa jyly aıaldama E.P. Slavskıı atyndaǵy jaǵalaýdyń Memorıaldyq keshen aıaldamasynda ornatylǵan.

«Bul aıaldama — sol mańdaǵy meıramhana ıesiniń syıy. Kóktem shyqqanda kásipker abattandyrý jumystaryna da atsalyspaq», – dep habarlady Óskemen qalasy ákimdiginiń baspasóz qyzmeti.

Osymen, Óskemende jyly aıaldamalar sany 12-ge jetti. Qalǵan aıaldamalar Qasym Qaısenov, Meshit, Ana men bala ortalyǵy, Dostyq, Moldaǵulova, Egorov, Jańa Ahmer, Qazaqstan (2 dana) Kaztsınk jáne Sport saraıy aıaldamalaryna ornatylǵan.