Óskemende sýǵa batyp bara jatqan áıel qutqaryldy
ÓSKEMEN. QazAqparat – Óskemen qalasynda sýǵa batyp bara jatqan áıel qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, polıtsııa qyzmetkerleri sýǵa batyp bara jatqan áıeldi qutqaryp qalǵan.
«102» jedel arnasyna habarlasqan azamat áıel adamnyń Úlbi ózenine batyp bara jatqanyn jetkizdi. Oqıǵa ornyna kelgen Óskemen qalalyq PB patrýldik polıtsııa batalonynyń ınspektory Jandos Esirkepov jaǵalaýdan 3 metr qashyqtyqtaǵy juqa muz astyna qulap ketken áıeldi kórip, kómekke umtylǵan. Qutqarý sheńberin laqtyryp, áriptesi Meıirhan Raqyshevpen birge ony sýdan alyp shyqty», - delingen aqparatta.
Kóp uzamaı sol jerge TJD mamandandyrylǵan jasaǵynyń qutqarýshylary kelip, áıeldi avtokólikke jetkizip, oǵan jyly kıim men aıaq kıim bergen. Sodan keıin zardap shegýshi jedel járdem dárigerlerine tapsyryldy.
