Óskemende sýǵa batyp ketken ekinshi jigittiń denesi tabyldy
ASTANA. KAZINFORM — Óskemende sýǵa shomylýǵa jabdyqtalmaǵan jerde sýǵa batqan adamdy izdeý aıaqtaldy, dep habarlaıdy TJD baspasóz qyzmeti.
— 9 mamyr kúni ShQO TJD qutqarýshylary 3 mamyrda Úlbi ózeniniń shomylýǵa arnalmaǵan aýmaǵynda sýǵa túsý kezinde batyp ketken 2003 jyly týǵan azamattyń denesin tapty. Jas jigittiń denesi oqıǵa ornynan eki shaqyrym qashyqtyqta, taıaz sýlarda Stepnoe aýylynyń aýdanyndaǵy Úlbi ózeninen anyqtaldy, — delingen habarlamada.
Esterińizge sala keteıik, 3 mamyrdan bastap TJD, eriktiler, polıtsııa kúshteri men quraldaryn tarta otyryp, kúndelikti izdestirý jumystary júrgizildi. Sý qoımasynyń jaǵalaý syzyǵyn zertteý úshin ushqyshsyz ushý apparattary da qoldanyldy.
TJM sý aıdyndarynda qaýipsizdik sharalaryn saqtaý qajettigin eske salady: eshqandaı jaǵdaıda ómirge qaýip tóndiretin jabdyqtalmaǵan oryndarda shomylmańyz.
Buǵan deıin habarlanǵandaı, 23 jastaǵy eki jigit Sogra shaǵyn aýdanyndaǵy Úlbi ózenine baryp, sýǵa túsken. Ekeýi de sýǵa batyp ketti. Bir adamnyń máıiti tabyldy. Al ekinshisiniń denesin izdeý jumystary áli jalǵasyp jatqany aıtyldy.
