Óskemende sýǵa aǵyp ketken jigittiń denesi tabyldy
ÓSKEMEN. KAZINFORM — Óskemen qalasynda sýǵa aǵyp ketken 19 jastaǵy jigittiń denesi 11 kúnnen keıin tabyldy.
Nurbolat Nurdos 27 shilde kúni keshki ýaqytta Óskemendegi «Samal» saıabaǵynda shomylyp júrgen kezde sýǵa aǵyp ketken.
Qatty aǵys alyp ketken ol osy kúnge deıin tabylmaı keldi. Іzdestirý jumystaryna ShQO TJD qutqarýshylary jumyldyryldy. Olar ózen túbin tekserip, drondardy iske qosty.
— Іzdestirý jumystary Glýbokoe aýdanyna qarasty Ývarovo aýyly mańynda jáne Shemonaıha aýdanyna qaraı ózen boıymen júrgizildi. Alaıda aǵysy qatty sý izdeý jumystaryna edáýir kedergi keltirdi, — dep habarlady departamenttiń baspasóz qyzmetinen.
Jigittiń denesi búgin Predgornoe aýylynyń mańynan tabyldy. Ony baıqap qalǵan adam qutqarýshylarǵa habar bergen. TJD qyzmetkerleri marqumnyń denesin sýdan alyp shyqty.
Eske salsaq, osyǵan deıin Atyraý óńirinde jyl basynan beri 8 adam sýǵa batyp ketkeni habarlanǵan.