Óskemende sý jelisinde apat bolyp, kóshelerdiń birin sý basty

ÓSKEMEN. QazAqparat – Óskemen qalasynda sý jelisinde apat boldy, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, qaladaǵy sýyq sýmen jabdyqtaý jelisinde apat bolyp, Myzy kóshesin sý basty.

Sonyń saldarynan kóshede kólik keptelisi boldy.

«29 qarashada tańǵy saǵat 4:00-den 5:00-ge deıin sorǵy stantsııasynda qysqa merzimdi elektr qýatynyń úzilýi saldarynan avtomat júıesi isten shyqqan. Qazirgi ýaqytta barlyq júıeniń jumysy qalpyna keltirildi. Sý basqan joldy arnaıy tehnıkamen tazartý boıynsha sharalar qabyldanyp jatyr», - dep habarlady «Óskemen sý arnasy» kompanııasynan.

Eske salsaq, osyǵan deıin Óskemendegi jylý elektr ortalyǵynan aqaý shyqqanyn habarlaǵan edik.

Vıdeodan alynǵan kadr